Beti ezin. Atzo sekulako etapa, gaur kaskarra, zozoa. Ibilbideak ematen zuen erasorako aukera, baina atzokoan astindu handia hartu zuten onenek, eta gaur indarrak gordetzea erabaki dute. Helmugako mendatea etzan samarra izateak ere ez du sobera lagundu, eta zain geratu beharko dugu.
Berriro garesti egon da ihesaldia, eta sortu denean txirrindulari onak sartu dira: Bowman, Ciccone, McCarthy, Buitrago, Rui Costa... Azkar hasi dira egurrean euren artean, eta pistako kanporatze proba batean bezala, errepideak bakoitza bere tokian jarri du. Eta denetan indartsuen Giulio Ciccone, Italiako izar handia. Giroa irabazteko faborito izatetik etapak irabazteko helburu leunagoetara jauzi egin behar izan duen mutila. Behar zuen Nonno Cicconek garaipena, arnasa hartuko du.
Oilarren artean mugimendurik ez. Bihar atseden eguna eta azken astean festak!!!
