Kasta dutenak daude. Eta klasea. Eta horien gainerik Thomas De Gendt bezalako tipoak. Beti zeresana ematen dutenak, erakustaldi gogoangarriak egiten dituztenak. Atzo beste bat, hamaikagarrena. Kontua hain da luzea, inor ez dela harritzen dagoeneko.
De Gendt egoskorra da. Berea lortu arte ez du atsedenik hartzen. Gaurko etapan ihesaldian sartuko zela jakina zen. Ben King, Tepstra eta De Marchi izan ditu lagun. Italiarrarekin bakarrik geratu da gero, indartsuenarekin, eta tropelean Astana eta Education First lanean hasi direnean ez dute etsi. Pilatutako errenta lau minututik bakarrera pasa zenean ere ez. Saint-Etiennen besoak zabal!
Alaphilippe-ek eta Pinotek hauspotu dute sua. Indartsuenak izan dira helmugatik gertu zegoen maldan. Thomas erori egin da, baina oilarren tropelera bueltatu. Alaphillippe-ek horia berreskuratu nahi zuen, baita lortu ere. Pinotek dozena bat segundo on irabazi ditu.
Bihar beste etapa bat Erdikaldeko Mendietan, gaurkoaren molde berekoa. Oilarrak urduritzeko aproposa, gaiztoa, hirugarren mailako tontor batekin helmugatik gertu, Briouden.
Belgikarrak bere kirol ibilbideko hamaikagarren erakustaldia eman du, etapa ikusgarria irabazteko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
