Etxebizitzaren eskumena administrazio ezberdinei dagokigu, Jaurlaritzatik hasi, Aldunditik jarraitu eta udaletara arte. EAJtik bai Legebiltzarrean eta bai Batzar Nagusietan etxebizitzaren arazoari irtenbidea emateko lege eta foru arauak proposatu eta onartu ditugu.
Legebiltzarrean Etxebizitza Legea moldatu egin da, eraikitzeko erraztasunak emanez; Batzar Nagusietan, fiskalitate berriaren bidez, gazteei etxebizitza bat izateko aukera erraztu nahi izan zaie. Bietan, EH Bilduren aurkako botoarekin. Jaurlaritzak Emantzipa programa eta etxebizitza erosteko abal sistema bat ere jarri ditu martxan.
Arrasateko Udalak baditu lursailak babes ofizialeko etxebizitzak eraikitzeko; duela urte bat eskatu genion Udal Gobernuari lursaila Jaurlaritzari emateko bertan etxebizitzak eraikitzeko, baina urtebete igaro da eta Udalak ez du ezer egin.
EAJ dagoen instituzioetan lanean gabiltza; EH Bildurentzat ordua da hitzetatik ekintzetara pasatzeko.