Eskerrak, era berean: jai erraldoia aurrera ateratzeko lanean aritu ziren 1.500 boluntariotik gorari; ikuskizunetan, hasierako ekitaldian, omenaldian… parte hartu zutenei; zirkuituan barrena postuak jarri zituztenei…
Herritarrak, herri eragileak, izan zarete protagonista: parte hartzen, antolatzen, muntatze eta desmuntatze lanetan… Bergarari, Debagoienari, Gipuzkoari, Euskal Herriari, egin diogu, egin diozue, aisialdi eskaintza erakargarria eta jendeak erantzun egin du. Aurreikuspenen gainetik.
Ez da aparteko arazorik sortu, dena ondo bidean joan da, dena zegoelako ondo antolatuta. Helburuak bete dira. Sozialak eta ekonomikoak. Milaka herritarren ekarpenek Aranzadi Ikastolan proiektu pedagogiko berria abiatzeko, eraikinean egindako obrak ordaintzen lagunduko digute.
Datorren urtean, zorte on txantxikuarrei.
----------
Ane Barruso
(Aranzadi Ikastolako zuzendaria)
Bergara