Ondoezak

Militantzia espazioen eta beste harreman askoren psikologizazioaz dihardu, terapiak indibidualizazioa eta espazio askoren komunitate zentzua galarazi duela azaltzen du. Norbere osasuna besteenaren gainetik jartzen ari dela sumatzen dut nik ere eremu ezberdinetan, ni-a erdigunean jarriz etengabe. Esanguratsua iruditzen zait terapia askotarikoetara jotzeko sortu diren premia berriak. Zenbait min eta sufrimendu arintzeko prozesu terapeutikoak ezinbestekoak dira, baina egunerokoan bizi ditugun ezinegon gehienak soluzio indibidualekin estaltzen ari garela uste dut, merkatuaren interesak tartean daudela. Muskulatura soziala oso ahul dugulako izan daiteke? Gure ondoezak politizatzen hasi ezean, jai dugu, dio testuak. Arazo horiei buelta emateko ez dago makilatxo magikorik, ez dago eguzkitan erretako opilik. Zarata ateratzeaz gain, kolektibo eta mugimenduetara arrimatu eta heldu diezaiogun horri, negu gogorra dator eta.