Uhartea, errepiderik gabe, lasaia eta era berean bizitza bor-bor han eta hemen. Dionewar da uharte hori, Senegalen. Ndank-Ndank elkarteak urteak daramatza herriari laguntza eskaintzen, proiektuak elkarrekin erabakitzen, lantzen. Famili proiektu bat, lan izugarri baten emaitza.
Aberatsa den uhartea, oso aberatsa den komunitatea, balore argiak eta transmisio zuzenerako denbora duen gizarte bat. Alkate gaztearen aurretik, herriko nagusienek dute azken hitza. Emakume helduek kooperatiba bat sortu dute itsasoan jasotakoa merkaturatzeko, itzela nolako ahalduntzea erakutsi diguten! Eta gu guzti horren aurrean hitzik gabe, miresmenez. Bost hizkuntza erabiliz. Hitzek ezin dutena esan irribarreek eta begiek esaten dute.
