Martxoaren 8an, aldarrikapen mezuek hartuko dute Oñati: ahalduntzea, desoreka, diskriminazioa... Hala ere, ez da eraginkorra egutegian emakume kirolzaleak gehiago bistaratzea eta haien aldeko aldarrikapen indartsua egitea ere? Baietz esango nuke. Nabarmendu da, ordea, aldarrikapen politiko jakina.
Udalak, aurten ere, egutegia banatu du. Gaia kirol-jarduna da. Oñatin kirolzale asko bizi da, eta egutegiak 2022an haien aldeko hautua egitea txalotzekoa da. Beste kontu bat da begi onez ikustea egutegiko argazkietan egin den genero-aukeraketa. Izan ere, penagarria da irudietan gizonezkoak nagusi izatea: running-ean, golfean, igerian, futbolean... Emakume gutxi dago: martxoko neskatilak (Emakumeen Nazioarteko Egunari, keinua?), iraileko bikotekidea eta, bukaeran, neskatila patinetan. Barrena astindu dit, XXI. mendean, emakumea ageriko egiteko hain ahalegin txikia egiteak Udalak. Non daude Oñatiko emakumeak? Zergatik ez daude argazki gehiagotan? Bat-batean, interes gutxikoa bihurtu zait Udaleko egutegia!
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak