Partidako 2. minutuan tolosarrek sartutako golak erabat baldintzatu du gaurko neurketa. Gol horren ostean urduritasuna nagusitu da Aloñako jokalarion artean, eta, ez dira gai izan aparteko arriskurik sortzeko Iriarteren atearen aurrean. Partidaren 36. minutuan oñatiarrak ez dira fin ibili atzealdean, eta Jokin Cipitriak 0 eta 2koa lortu du. Neurketa hortxe amaitu dela esan genezake. Atsedenaldira iristear geundela epaileak Tolosakoen aldeko penaltia adierazi du, Azurzak jaurtiketan asmatu du, eta atsedenaldira 0-3koarekin iritsi gara.
Bigarren zatian oñatiarrak nahi eta ezin aritu dira. Baloiaren jabetza Aloñako jokalariena izan bada ere, aipatzeko kontu bakarra Jokin Cipitriak sartu duen laugarren gola, bere bigarrena izan dena.
Inauteri garai honetan, egun tristea Aloñako kide eta zaleontzat.
AUPA ALOÑA!!!!!
