Partidaren lehen minutuetan oreka izan zen nagusi. Hala ere, lehen zatiko 6. minutuan Gexan Anduagak aukera bikaina izan zuen lehen gola eskuratzeko, baina ez zuen Agirre atezaina gainditzen asmatu. Hortik aurrera zelaia erdiko jokoa nagusitu zen, eta zumarragarrek baloiaren jabetza handiagoa izan zuten arren, ez zuten gol aukera garbirik izan. Aloñakoen aldetik, aitzitik, lehen zatiko azken 20 minutuetan eraginkortasuna izan zen nagusi. Partidako 25. minutuan Joseba Larreak jaurtiketa ederra egin zuen arearen kanpotik, Agirre atezainak baloia alderatu zuen, eta Julen Zelaiak aprobetxatu du alderaketa hori lehen gola lortzeko. Bi minutu beranduago Gexan Anduagak ... Atsedenaldira iristear geundela, oñatiarrek kontraeraso bikaina antolatu zuten: Julen Zelaiak baloia luze bidali zuen, Gexan Anduagak zelaiaren beste aldetik zihoan Auritz Larreari eman zion baloia, eta honek jaurtiketa zehatz batekin 3 eta 0koa lortu zuen.
Bigarren zatia hasi, eta 30. segundua bete aurretik, Joseba Larreak baloia lapurtu uen area ertzean, eta atezaina gainditu zuen jaurtiketa eder batekin (4 - 0). Partidako 49. minutuan Joseba Larreak erdiraketa bikaina egin zuen, Iñigo Guridik atzelariei aurrea hartu eta ikutu bikain batekin 5. gola lortu zuen. Partida erabakita gelditu zen une horretan. Hala ere, Aloñakoak gai izan iren 6. gola eskuratzeko. Auritz Larreak luze bidalitako baloia hartu zuen, atezainaren aurrera iritsi zen, eta bigarren aldez gainditu du (6 - 0).
(Argazkia: Goiena)
