Lehen gol hori gutxi ez, eta 9. minutuan Ander Bikuñak, buruz egindako erremate bikain batekin 2 eta 0-koa lortu du. Handik gutxira, 19. minutuan, Auritz Larreak, areaz kanpotik egindako jaurtiketa bikain batekin, 3. gola markagailuratu du. Lehen zatia amaitzear zegoela, Ibai Morenok lehen zati bikaina biribildu du 4. golarekin.
Partidako 2. zatian oiartzuarrak golaren bila zelairatu dira, eta, aukera bakan batzuk sortu badituzte ere, ez dute golik lortu. Bigarren zati horretako gol bakarra Joseba Larreak eskuratu du bakarkako jokaldi eder baten ostean.
Urteari hasierako emateko merezitako garaipena oñatiarrek lortutakoa. Jai bezpera honetan jokalariek opari ederra eskaini diete zaleei.
