Partidari dagokionez, kolorerik gabeko neurketa izan da. Lehen minutuak tanteokoak izan badira ere, ordu laurdena bete denerako, Ander Bikuñak, Auritz Larreak erdiratutako baloia, Josebaren atearen sareetara bidali du buruz. Hortik aurrera oñatiarrek neurketa kontrolpean izan dute, eta golak bata bestearen atzetik etorri dira. Partidako 32. minutuan Auritz Larreak sartu du bigarren gola.
Bigarren zatian, 67. minutuan, Jon Anduaga jubenilak hirugarren gola egin du, eta handik bi minutura, zoritxarreko jokaldi batean, Tolosa taldeko atzelari batek baloia bere atean sartu du.
Garaipen garrantzitsua Aloñakoena, txapelketa eta igoera lortzeko aukera handiagoa ematen duena.
Aloña Mendi taldeko jokalariak zelaia irten dira soinean Unai Gil taldekideari animoak emateko mezua zeraman kamisetarekin. Izan ere, Unai Gili ebakuntza egin diote, eta dagoeneko denboraldi honetan ez du jokatzeko aukerarik izango.
