Partida hasi aurretik Joxe Mari Igartuaren aldeko minutu bateko isilunea gorde da. Joxe Mari 1970eko hamarkadan Aloña Mendi K.E.ko taldeko atezaina izan zen. Goian bego!!
Historia gutxi izan du gaur Azkoagainen jokatu den partidak. Izan ere, oñatiarrak nagusi izan dira goitik behera. Lehen zatiko 35. minuturako Aloñakoak 4-0 ziren aurretik.
Bigarren zatia hasi eta zazpi minutuan Auritz Larreak sartutako beste bi golek, partidua erabat erabaki dute. Partidaren hondarrean izandako beste bi golek aspaldian Azkoagainen izan den partidarik lasaienari amaiera eman diote.
Azpimarratzeko bi kontu: batetik, Auritz Larreak partida honetan sartutako bost golak, eta, bestetik, garaipen honekin, atzo Beasainek eta Lagun Onakekoek izandako emaitzen ondorioz, Aloña Mendi sailkapenaren buru-buruan kokatzen dela.
