Bere musika entzutea, nostalgia kudeatzeko estrategia gogokoena. Baita herriko gorabeherei buruz hausnartzeko erritualaren hasiera ere.
Herri txiki eta ez hain txikien eraldaketa ikusgarria da azken urteetan, batez ere betiko denden desagerpena eta Amazon Locker-en ugaritzea. Modernizazioaren lorpenen edo aurrerapenaren izenean egiten diren tontakeriak ote?
Herriko lagunekin gai hauei buruz hitz egiten hastean, sarritan berdina da erantzuna: gauzak horrela dira, ezin dugu mundua aldatu. Eta horren aurrean, beste galdera bat sortzen zait beti: eta munduak nola aldatuko gaitu? Zer bilakatuko dira gure herriak bertako mertzeriak, arrandegiak eta harategiak desagertzen direnean? Behin jabeak erretiratzen direnean?
Dendak ez baitira soilik denda, herri baten topaleku eta nortasun baizik.