Zulo honetatik irteteko beharrezkoak izango ditugun milioika euroak nondik atera? Horrek izan beharko luke gure agintarien buruhausterik handiena. Esperantzak Europatik emango zaizkigun laguntzetan jarrita daude, baina konfiantza handia behar da horretan sinisteko; urtebete pasata, ez dugu zentimorik jaso. Dirua morroi ona, baina nagusi txarra, dio esaerak. Europatik etor daitekeen dirua ez da musu-truk izango. Itzuli beharrekoa izango da: zorpetzea eragingo digu guri eta ondorengo belaunaldiei. Europak zorrotz aginduko digu faborea itzultzeko zein erreforma egin behar ditugun. Pentsioak murriztu, sektore publikoetako doikuntzak… Errezetek beti dute jomuga bera.
Aberastasuna banatzeko bi modu daude: langile klaseak bere lana saltzen duen prezioa –soldata– igotzea; eta gehien dutenek zergen bitartez gehiago ordaintzea. Fiskalitatea justizia ariketa da. EAEn Europako presio fiskalaren batez bestekora hurbilduko bagina, 6.000 milioi euro gehiago batuko genituzke urtero. Europatik sekula etorriko dena baino askoz gehiago.
Zalaparta galanta eragin dute youtuberrek, zerga gutxiago ordaintzeko Andorrara joan direlako. Baina ez dago haraino joan beharrik, gurean ere badira youtuber azal lodiak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
