Agur eta ohore, Yolanda

Erabiltzailearen aurpegia Arantza Landaluze 2019ko mai. 3a, 08:22

Yolanda, ingurumenaren aldeko ekintzailea izan zinen, inork ez bezala erreka garbien alde egin zenuen. Baikorra zinen, denon ongizatearekin konprometitua, gure errekako zaborra garbitzen ibiltzen baitzinen, eta ez zenuen arazorik erreka barreneraino sartzeko, plastiko zati zailena ateratzeko. Hala ikusi zintudan behin, errekako zuhaixka eta zaborra garbitzen duen Udaleko lantaldearekin lanean: bota altuekin errekan sartzen, inor sartzen ez den tokira, uretara jausitako zaborra jasotzen.

Denok zikintzen dugun erreka garbitzen jarraitu zenuen zure kabuz. Pertsona gutxik duten konpromisoa, leialtasuna eta ausardia erakutsi zenuen, komunitate guztiari emaniko zerbitzu anonimoa, ingurumenaren degradazioaren aurrean pasibo agertzen den jendarte horri.

Yolanda, mundu hobe batekin amesten zenuen eta errekari beldurra galdu zenion, eta, espero gabe, uraren indarrak berarekin eraman zintuen. Uste dut badagoela jende asko lan egiten duela modu boluntarioan mundua eraldatzeko; hala ere, Udalak eta erakundeek askoz gehiago egin dezakete gai hau hobetzeko: hondakin gutxiago sortzeko kanpaina gehiago egin daitezke edota litxarreria poltsak, zigarrokinak-eta lurrera ez botatzeko sentsibilizazioa landu.

Gure ingurua zaintzeko konpromisoa izan behar dugu, gutxiago zikinduz eta denon artean denona dena zainduz, Yolandak egiten zuen moduan. Erreka garbitu beharko genuke urtero bere omenez, planeta garbiago baten alde bizia eman duen pertsona gogoratuz. Yolanda, hau eta gehiago merezi duzu, eredu izan zara guretzat. Mila-mila esker, agur eta ohore.

---------

Arantza Landaluze

Arrasate

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak