Gaztetan gazteak garelako eta nagusitan nagusiak garelako beti baiezkoa entzun eta esan, baina ez, beti ez da ona baietz esatea, eta noizbehinka ezezkoa esateak eta entzuteak ondo egiten digu.
Bizitzan limiteak eta arauak daude eta hauek normaltasunez barneratzea prozesu bat da. Norberak jarri behar dizkio, lehenik eta behin, bere buruari limiteak eta ezezkoak esan. Norberak badaki noraino eta nola. Bizitza neurriz betetako ibilbidea da.
Ez ditugu atsegin arauak eta limiteak, baina jaiotzen garenetik normaltasunez bizitzen baditugu hauek, benetan eskertuko ditugu nagusitzen goazen heinean.
Frustrazioak eta haserreak ez dira hain nabariak izango gure egunerokoan, neurriekin eta limiteekin bizitzen ikasten badugu txiki-txikitatik.
Dena neurrian ona izango da; ezezkoak ere onak dira neurrian eta zentzuz.
Probatu ezezko bat modu positiboan jasotzen eta disfrutatu limiteen munduan bizitzen!
