Guraso bakarra, oztopo gehiegi

Erabiltzailearen aurpegia

Dakizuen bezala, guraso bakarreko familia osatzen dut 2 urteko etxeko sorgintxoarekin. 2019ko apirilaz geroztik osatzen dut familia mota hau.

Opor garaia pasa dugu, edo pasatzen gaude. Alabarekin oporretan joateko aukera ezberdinak aztertu ditut. Alokairuan etxetxo bat, kanpin batera, hotelera…

Hoteletan badaude pertsona bakarrarentzat gelak, gela familiarrak, gela bikoitzak, hirukoitzak... Eta guraso bakarra osatzen dugunontzat gelak? Gelak bai, tarifak ez! Alabarekin hotel batera joan nahi izanez gero, bi pertsona helduren tarifa bera ordaintzera behartzen naute. Justua dela pentsatzen duzue?

Agian, nonbait egongo da kontuan hartzen gaituzten hotelak; nik oraindik ez ditut aurkitu.

Familia ugaria osatuz gero aukerak, familia tradizionala osatuz gero aukerak, bakarrik joanda aukerak... Guraso bakarreko familia osatuz gero...

Estatu mailan milaka familia gaude guraso bakarrekoak eta Euskadin dagoeneko 200 familia baino gehiago gaude MSPE elkartearen barne. Agian, garaia da, behingoz, guraso bakarreko familiak ere kontuan izateko alor pribatuan naiz publikoan. Ezta?

Gehiago jakin nahi MSPEren inguruan?

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.