Hogei

Erabiltzailearen aurpegia

Ez omen dira ezer 20 urte, hala dio tango zaharrak. Niri konturatzerako ailegatu zait mende honetako 20. urtea. Datorren urteko egutegiak ikusita akordatu naiz milurtekoaren aldaketa zela eta orain 20 urteko kontuekin, egutegietako digituen aldaketak eragin zezakeen kataklismo informatikoa, milurteko berriari hasiera emateko mundu mailako ospakizunak, mende eta milurteko berrian jaioko zen lehenengo haurra izateko lehiaketak.

Niri berehalakoan joan zaidan denbora tarte honetan bizitza oso bat bizi izan dute orduan jaio zirenek eta ohartu dira nolako munduan bizi diren. Orain 20 urte baino baliabide hobeak dauzkate mundu hobeago batean bizitzeko, osasun edo teknologia aldetik; baina ere berean, hobetzeko geroz eta zailagoa den mundua ere bai, larrialdian dagoen mundua. Belaunaldiak izendatzen aritzen direnek honezkero nolabait izendatuta izango dituzten gazte hauei kudeatzeko geroz eta zailagoa den mundua uzten ari gara, baina gurpilaren norabidea aldatuko duten itxaropena ere eurengan jarri behar dugu, horien aurreko belaunaldikoek horretarako gaitasunik ez baitugu erakusten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.