Baina hankamotz gelditu da, defizit ikaragarri batekin: Memoria Historikoaren ikuspegitik injustizia handia da jatorrizko izena ez mantentzea. Normala iruditzen zaigu Donostian eta Malagan Tabakalera izena gordetzea, Errenterian Niessen, Bilbon Euskalduna eta Artiach, Eibarren Alfa, Madrilen Matadero... Guztiek jarduera ekonomikoa izan zuten eta guztiak kulturara bideratu dira. Zein bekatu du gure Union Cerrajerak bere izena gorde ez dezagun? Gainera, tokia dago eraikinaren fatxadan hori burutzeko: Kulturola izenaren gainean, erlojuaren ezkerrean Union ipini daiteke eta eskuman Cerrajera. Mesedez, borobildu ezazue egindako lana, eraikinak eta gure herriaren historiak merezi duten bezala, eta ofizialdu ezazue izen osoa.
----------
Aitor Iturriaga Bakarte
Arrasate
