Alde batetik, ia urtebete da pediatria zerbitzurik ez dagoela Elgetan; beraz, gure seme-alabekin Bergarara joan behar dugu zerbitzu medikua jasotzera, horrek sortzen dizkigun kontziliazio eta familia antolakuntza arazoekin eta kotxea hartzeak dakarren arriskuarekin.
Bestalde, ia urtebete da Bergarako anbulatorioan pediatra titularra ez dagoela, eta astero mediku ezberdin batek artatzen du. Honek zerbitzu penagarria izatea eragiten du, pediatrek ez dituzte umeak ezagutzen eta ezin da jarraipen egokirik egin.
Horregatik, Osakidetzari eskatzen diogu egoera hau lehenbailehen konpon dezala. Erantzunaren zain gelditzen gara.
----------
Aitor Gantxegi Olasolo
Elgeta
