Maitasuna kontu zaharra da, beraz. Eta maitemina ere bai. Horren isla da Oñatin, Gipuzkoako Probintziako Artxibo Historikoan, aurreko urtean aurkitu zen XVI. mendeko poema, euskaraz idatzitako lehenengoetakoa. Testua Azkoitiko XVI. mende hasierako notario-protokolo batean agertu zen, dokumentu baten ertzetan idatzitako zirriborroa da, baina bertan argi eta garbi ikusten da egileak bizi zuen maitemina: Ene laztan gozo ederra, penaz penaçen naçu. Testu osoa http:// oinati.gipuzkoakultura.net webgunean dago. Irakurri eta, agian, maitasunari idazteko inspirazioa aurkituko duzu bertan.
Otsailaren 14a San Valentin eguna dugu, "maiteminduen eguna". Denoi datozkigu burura Estatu Batuetako pelikuletako irudiak: bonboiak, arrosak, bihotzak… Baina nondik dator egun hori ospatzeko ohitura? Ba, aspalditik; gutxienez, Erdi Arotik. San Valentin egunaren lehenengo aipamena poema batean dago: 1382an, Geoffrey Chaucer idazle ingelesak Txorien berbaldia izeneko olerkian San Valentin maiteminduen jaiegun gisa aipatu zuen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak