Orduan galdutako gerra irabazteko konpromisoz beraien alea jartzen ari dira hainbat gazte eta ez gazte. Urte luzetan hutsik egondako eraikin publikoa atondu eta bizitu dute urtebete pasan, auzolanean. Elkartasunean oinarritutako gune bat eraiki dute, auzoari irekia, pertsonei paperik eskatzen ez zaiena, dirua errege ez dena… mundu injustu honetan justiziazko oasitxo bat, alegia.
Baina hori ez dator bat EAJren gizarte ereduarekin. Nahiago ditu AHT, polizia eta jabetza pribatu sakratua. Nahiago du, alegia, elitearen interesak defendatzen jarraitzea gehiengoaren interesak defendatzea baino. Horregatik eraitsi zuten Kukutza eta hustu dituzte beste hainbat gaztetxe eta gune autogestionatu, eta horregatik hustu dute Maravillas. Geure burua ezkertiartzat daukagun orok baldintzarik gabeko babesa erakutsi behar diegu honelako proiektuei, Euskal Herri justu bat eraikitzeko ezinbesteko arnasguneak direlako.