2021ko mar. 20a, 00:00
Azkenaldian zerbait argi gelditu bazait gure osasuna eta gure gorputza guk geuk zaindu behar ditugula izan da. Ezin ditugu interes ekonomikoei eta politikoei baino erantzuten ez dien osasun-sistemaren esku utzi. Urtebete osoa izan dugu ikusteko nola kudeatu duten eta kudeatzen ari diren COVID-19a. Gure osasunaren ardura geure egite horretan, beste hainbat faktorerekin batera, elikadurak berebiziko garrantzia hartzen du. Osasuntsu elikatzea ezinbestekoa da eta horretarako sasoikoa, bertakoa, ekologikoa... jatea gako bihurtzen da.
Ekuazio honetan ekoizpena ere sartzen da eta ekoizleek kalitatez ekoizteko eta duintasunez bizitzeko ezin dute prezioan bestelako elikagai askorekin lehiatu. Elikagai osasuntsuak beste asko baino garestiagoak dira eta ondorioz ez daude guztion eskura. Batzuk kontsumitu ditzakegu –eta egin beharko genuke–, baina ez guztiok.
Elikadura osasuntsurako eskubideak unibertsala beharko luke eta hor badaukagu non lan egin eta zer aldatu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.