Astelehenean gure ikasleak eskoletara bueltatuko dira, aspaldiko partez. Martxotik eskolara etorri gabe daude gehienak. Hezkuntza-komunitate gehienok ikasle hauen etorreran emozioen eremuari garrantzia eman nahi genion. Latza izan da gure gazte eta haurrek bizi izan dutena, eta hori lantzea eta goxatzea ezinbestekoa da. Horrekin batera itzulera eta ikasturterako planteamendu egokia lantzen aritu gara buru-belarri maiatzetik hona. Baina Hezkuntza Saila arduratu da hezitzaileon intentzio on guztiak zapuzten.
Ikasturtea hasi baino aste bat lehenago bidali digu protokoloa: ratio-jaitsierarik ez, 6 urtetik aurrera musukoa ikasle guztiek denbora guztian, eserleku finkoak ikasle bakoitzarentzat, ahal dela eskolaz kanpokorik ez... Eta eskola bakoitza moldatu dadila ahal duen bezala protokoloa eta egoera kudeatzen.
Gure ikasleen ikaste-prozesuaren inguruan hitzik ez. Hori ez da garrantzitsua Hezkuntza Sailarentzat. Kolektibo moduan erantzuten ez badugu, jai daukagu Jaurlaritzarekin. Bere lehentasunak beste batzuk dira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
