Ez dut kolokan jartzen greba egiteko arrazoiak daudela, komeni dela, egoera honen aurrean erantzun beharra dagoela. Eta gustatu zait zenbat eragile eta talde batu diren grebara. Grebaren alde nago. Hala ere, badaukat kezka bat: urtarrilaren 30ean greba egingo dugu, mobilizazio handiak egingo dira Hego Euskal Herrian, eta, seguruenik, askok nahi baino arrakastatsuagoa izango da deialdia. Baina hurrengo egunean eta egunetan, zer?
Horrelako deialdi batek nolabaiteko jarraikortasuna izango duela adostu bada, ados. Egun bakan sinboliko bihurtuko bada, kezka.
Entzun nahiko nuke deialdi honen atzealdean badagoela aurrera begirako planteamendu sakonago bat. Bizitza duinaren aldeko lan-ildo jarrai bateratu bat.
Norbaitek hala dela esango balit…