Aparta zen Tutera inguruan asteburu osoan egondako giroa. Euskal Herriko herri ezberdinetatik joandako lagun dezente elkartu ginen bezperatik, eta bertakook joan izanaz pozteko bezalako egitaraua antolatu zuten.
Egia da lekutan dagoela Tutera Euskal Herriko toki askotatik, mugan-mugan.
Igandean ez zen beste urte batzuetan egondako jendekopurua bildu. Lasai ibili ginen zirkuituan eta bertako txosnetan, ilararik gabe. Eta horrek zer esan nahi duen badakigu….. Bertakoak urte osoan lan eta lan –eta Erriberan euskararen alde lan egitea ez da Debagoienean egitea bezala– eta aurreikusitako etekinik ez, jendearen frustrazioaz gain.
Hala ere, oraintxe hasiko da Errigora kanpaina berria. Erriberan euskarari bultzada emateko bigarren aukera. Saski bat erosita Erriberako ekoizleei eta euskalgintzari laguntza emateaz gain, Euskal Herri osoko egitasmo batean parte hartuko duzu.
Informazio gehiago zure herriko euskalgintzako erakundeetan aurkituko duzu.