290 preso. Hauetako hiru Euskal Herrian: bata Zaballan eta beste bat Basaurin. Bada Rio de Janeiron preso daukatenik ere. Beste 286ak Frantziako Estatuan eta Espainiakoan barreiatuta. Euskal Herritik gertuen dagoen presoa 190 kilometrora dago eta urrunen, 1.100era. Hamar preso gaixo 60 urtetik gorakoak eta beste 29, 50 urtetik gorakoak. Datuak ikaragarriak dira.
Eta guk badaukagu errealitate gordin honen eskualdeko adierazlerik, azken asteetan. Susanak 806 kilometro egin behar izaten ditu maite duen pertsona hori ikusteko. Bisitei dagokienez, urteko hirugarren asteburua izan da hau eta jada badaukagu lehen istripua. Susana ondo dagoela jakin dut eta ikaragarri pozten naiz. Xabierrek ere momentu latzak pasako zituen etxekoak ondo daudela jakin arte. Besarkada handi bana biei.
Euskal Herrian hiru preso daudela esan dut hasieran eta hirugarrena aipatu gabe utzi dut. Gure eskualdean dago, Aita Mennin, Ibon Iparragirre. Larriki gaixorik, baina ez dute etxeratu nahi, inondik inora, eta etxean behar luke. Zutabe txiki honetatik, hirugarren besarkada Ibonentzat.
Eta, besarkadekin batera, errealitate krudel hau bukatzeko lan egiteko nire konpromisoa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
