Badakidana da espainolak oso urduri daudela. Entzun dut Pedro Casado, presidentea mehatxatzen. Bihar aldebakarreko independentzia aldarrikatzen badu Campaynsen moduan bukatu dezakeela esaten; fusilatuta bukatu zuen hark. Orain artean, ordezkatzen duen herriarekiko leialtasun handia erakutsi du Kataluniako Gobernuak eta honek herriaren leialtasuna irabaztera eraman du.
Bihar dauka agerraldia, 18:00etan. Independentzia aldarrikatzen badu, izango dugu zer ospatua urriaren 12an. Agian, aurrerantzean, egun horretan lan egiteari utziko diogu lasai asko. Ez badu egiten eta men egiten badie etengabe jasotzen ari den mehatxu eta presioei, jai dugu; katalanek eta euskaldunok. Urte luzeetarako dugu jai, urriaren 12an lan eginda ere.
Parlem-en alde nago, baina esango nuke katalanek adierazi duten borondatea nola errespetatu eta egikaritu dela hitz egiteko dagoena; ez estatu federalari, konfederalari edo autonomikoari bide ematea. Ikusgai zer gertatzen den bihar eta datozen egunetan. Gustura ospatuko nuke aurten urriaren 12an Kataluniako errepublika berriaren sorrera.
