Zutabe hau kaleratzen den egunean beteko ditu 3 urte Izarrek eta ama kartzelan utzita alde egin beharko du bere ondotik. Aurrez, aitak min handia egin dio eta orain ama utzi behar du. Familiakoek zainduko dute; ondo baino hobeto, gainera. Baina ama urrun edukiko du datozen hilabeteetan. Horrelako drama bat bizi ondoren jaiotzetik zaindu eta maitatu zaituen pertsonarengandik urrundu beharra ankerra da gero. Eta Sara? Haurra kartzelan izan zuen eta azken 3 urte hauetan ia banandu barik egon ondoren eta beraien bizitzako pasadizo lazgarrienetako bat bizitzen ari direnean dator banandu beharra.
Sarak Izarrekin kalera ateratzeko aukera beharko luke kondenaren egoera aintzat hartuta eta biek ala biek elkarrekin, etxekoekin egingo liokete aurre gertatutakoari.
Horixe urtebetetzeko oparirik ederrena bientzako. Nire partetik muxu goxo bana.
