AGI

Erabiltzailearen aurpegia

Jende asko dago hilabete bukaerara iritsi ezinda. Elikagai Bankuak prestatutako janariak eskatzen ditu, hartzaile askok ez daukatelako argindarra, gasa edo butanoa ordaintzeko dirurik.

Krisi honek eragin duen ondorioetako bat, pobreak gero eta pobreago direla eta aberatsak gero eta aberatsago.

Egoera honetan, Foru Gobernuak gutxieneko diru-sarrerak bermatzeko laguntza den AGIa kentzea erabaki du. 

Haserrea sortu dit berriak. Berriz gastatuko ditugu diru publikoak errauskailua bezalako inbertsio handi eta kaltegarrietan eta herritarren bizimodu duina bermatzera bideratutako diruen kaltetan, gainera. Eta haserrearekin batera lotsa sentitu dut honetarako arrazoi nagusia entzun dudanean: laguntza honek etorkinak erakartzen dituela izan da arrazoia. Etorkinak gauza txarra bailiran, kaltegarriak eta arriskutsuak. Gipuzkoan ez nuen horrelako jarrerarik espero. Gure nahierara erabiltzen ditugu etorkinak. Populazioa igotzeko, guk nahi ez ditugun lanak egiteko… etor daitezela, baina neurrian. Eta bitartean, Panama Papers… Gurean ditugu iruzurra egin digutenak, baina horiek ez digute kezkarik sortzen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.