Ni alkatea nintzenean Mikel Cabieces zen.
Ez dakit zein den Madrilgo Gobernuaren delegatuaren funtzioa; egiten duena inkisidore-lana da eta gustatzen ez zaizkion erabakiekin auzitegira jotzea.
Udalen bueltan dabilen edonork daki sarri-sarri iristen direla salaketa hauek. Gaiak ere bariatuak dira oso: euskaraz bizitzeko borondatea, balkoietan ikurrinak bakarrik jartzea, langileen soldatari Kontsumo Prezioen Indizea igotzea, kontratu publikoetan langileen lan-baldintzak bermatu nahi izatea, Seaskari laguntzea…
Kontseiluak eta Uemak manifestazioa deitu dute larunbaterako, udalak jasaten ari diren erasoari erantzuteko. Euskaraz Bizi nahi dugula aldarrikatzeko.
Bada garaia!
Gakoa erabaki ahalmenean dago. Guk erabakitzeko eskubidea da ukatu nahi digutena.
Gure bizimodua beraiek antolatu nahi dute. Horren aurka ere egin beharko dugu. Bereziki horren aurka egin behar dugu hemen erabakitzeko eskubidea aldarrikatuz; geure bidea eginez.
