Fase politiko berri eta indartsu batean gaudela ez dugu geuk bakarrik sumatzen. Madrilen eta Parisen ere konturatu dira eta hortik datoz aspaldi honetan, inoiz baino oldarkorrago, gure sinbolo, ikur eta identitate-zeinuen aurkako erasoaldiak.
Gure hautua garbia da: geureen defentsa. Udal askok omendu dute ikurrina, Euskal Herriko balkoi askotan daude esekita, herri askotako plazetan jarri dira lehen ez zeuden ikurrina handiak, Inazio Kortabarriak igo zuen azkena Gipuzkoan pasa den larunbatean.
Diputatu Nagusiak izan zuen ezbeharra gertatu ez balitz, perfektua. Ekitaldi elegantea, jendetsua eta sentikorra. Aldarrikapen politiko sendoa zeukana. Inazio protagonista izateak ohore handia ematen ziona.
Jar dadila Martin onbidean lehenbailehen eta itzul dadila bere eguneroko zereginetara eta haizeak airea dezala Gipuzkoako plazako ikurrina askatasunaren ikurrina jartzeko beta izan artean.