... Gasteizen sortuko den parlamentuaren 3/4a abertzalea izango da eta horrek sekulako aukerak ireki ditzake datozen lau urteetarako. Alderdi abertzaleen esku egongo da Euskal Herria oinarri hartuta herri moduan jardutea Madrilen aurrean. Erabakitze-eskubidearen inguruko erabakiak hartzeko ateak zabal- zabalik ditugu Gasteizen. Ikusi egin beharko EAJk kanpainan argitu nahi izan ez duen jarrera zein izango den datozen lau urteetan. EH Bilduk egin du bere eskaintza.
Gauzak zailxeago ditugu egungo krisiari aurre egiteko proportzio berdinetan osatuko baita parlamentua orain arteko eredua defendatzen dutenen mesedetan. Parlamentuaren hiru laurden eredu ekonomikoa eta soziala dagoenetan mantentzearen alde baitago. Nik neuk zail ikusten dut gauzak daudenetan mantenduz krisi honetatik ateratzea. Errotik aldatu ezean, jira eta buelta ibiliko gara zurrunbilo berdinean.
Legegintzaldi interesgarria izan daiteke nazio ikuspegitik eta lanez betea ikuspegi sozialetik. Garbi dagoena da aspaldiko partez ni eta beste asko ordezkatuta egongo garela parlamentu horretan.