Denda komertzial hauen arduradun, langile eta erabiltzaileek jakin behar dute hau ez dela beraien negozio edo zerbitzuen aurka egindako zerbait, baina bai hauek erabiltzen duten hizkuntza politikaren aurka eginikoa.
Bertako herritarren eskura irekitzen diren zerbitzuek ezin dute gure hizkuntza ezkutatu, ikusezin bihurtu eta ondorioz mespretxatu.
Udalak esaten duen bezala, "zaindu dezagun gure herria, aitor dezagun bere balioa eta mantendu dezagun gure ondarea, herritarren arteko elkarbizitza hobetzeko".
Erantzukizun bera eskatzen diogu Udalari, komertzio edo zerbitzu berrien lizentziak eta baimenak ematerakoan, hizkuntzaren erabilerari dagokionez exijentzia minimo batzuk eskatu ditzan.
Hemendik aurrera ere, orain arte bezala, gure herrian zein auzoan iragartzen diren gaztelera hutsezko kartel, seinale edo iragarkiak –publiko zein pribatu– kendu, zuzendu edo ezabatzen jarraituko dugu.
----------
Ane Garcia-Arregi
Arrasate
