Hiru lagun dauzkat Europako zero eremuaz lotuta: bata errusiarra da eta bi ukrainarrak. Ez dute zerikusirik beraien artean. Azken urteetan ezagutu ditut lan kontuengatik, eta bik –ukrainarrak– dagoeneko bisitatu dute Arrasate; bataren zein bestearen asmoa izan zen hemengo kooperatiben eredua ezagutzea. Errusiarrak planifikatuta zuen bisita, baina pandemiak galarazi zion.
Hirurak dira pertsona aktiboak beraien gertuko komunitatean, eta horregatik, inbasioa hasi zenean, banekien komunikatuko ginela. Ukrainar gazteena atzerrian dago ikasten eta laguntza humanitario lanetan ari da egunotan. Gurera etorri zenean ere ikaslea zen; diru gutxi eta gogo handia. Ametsak betetzeko daudelako, autostop eginez etorri zen Kievetik Arrasatera. Beste ukrainarra herrialdean bertan dago, laguntza humanitario zereginetan bera ere. Egoera normal batean jarduera ekonomiko berriak sustatzen ibiliko zen. Lagun errusiarrak inbasioaren hasieran idatzi zidan bere mina adierazteko. Imajinatzen dut izaera kritikoari eusten diola.
Gaurik ilunena igarotzen denean espero dut hiru lagunen argiak distiratzen jarraituko duela.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
