Menpe

Erabiltzailearen aurpegia

Urrian gertatu zen. 1839ko urriaren 25eko legeak Espainiako Konstituzioaren menpe jarri zituen Hego Euskal Herriko lurraldeek zituzten Foruak. Horrela dio lehenengo artikuluak: "Foruak berresten dira monarkiaren batasun konstituzionalari kalterik egin gabe". Hau da, euskal ahalmen legegilea Konstituzioaren azpian geratu zen eta auzia sortu zen; irekita jarraitzen duen auzia. Gaur egun ere albiste da: politika orokorreko eztabaidan, Jaurlaritzako lehendakariak 1839 baino lehenagoko subiranotasunera itzultzea eskatu du.

Uztailean gertatu zen. 1876ko uztailaren 21eko legeak Foruak ezeztatu zituen betiko. Eta aurtengo uztailean ere notizia izan da. Bergaran elkartutako alkate eta zinegotziek, 1976ko mendeurrenean bezala, Foruen abolizioa gogoratu zuten. Adierazi zuten, gainera, herri modura antolatzeko eskubidea dugula herritar guztiei bizi-proiektu duin eta kalitatezkoa bermatzeko.

Aste honetan albiste izan da ELAk euskal Estatu propioa aldarrikatuko duela bere azaroko Kongresuan.

Ez dira notizia bera, baina guztiek islatzen dute marko propioa behar dugula gizartearen erronkei hobeto erantzuteko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.