Ameriketako Estatu Batuetan hainbat modu erabiltzen ari dira ahalik eta pertsona gehienek txertoa har dezaten. Horietako batzuk opariak dira: milioi bat dolarreko zozketa Ohion, kirol eta kultura ekitaldietarako dohaineko sarrerak New Yorken… Bitxikeriaz gain, kontuan hartzekoa da pizgarri praktikoek duten eragina jendearen portaeran. Estatubatuarrek asko erabiltzen dituzte. Hau da, ez da soilik immunizatzeak norbera eta ingurukoak babesten dituela, baizik eta txertatu eta zerbeza bat izango duzula dohainik – New Jerseyn–.
Iruditzen zait gurean kasu gehiago egin behar diegula pizgarri praktikoei, adibidez, herrigintzan.
Katalunian –errelato ofizialak procés-arekin loturiko guztia negatibotzat jotzen badu ere–, hauteskundez hauteskunde, gobernu guztiak independentistak dira funtsean ondoko ideiarengatik: "Dibortziatuz gero, hobeto biziko gara". Bizi-kalitatea aldarrikapenen zentroan.
Portzierto, hasierara itzuliz, batek baino gehiagok eskertuko luke Ameriketako Estatu Batuetako beste pizgarri hau latitude hauetan eskainiko balitz: txertoa jaso duenak app batzuetan errazago izango du ligatzea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
