Iruditzen zait Euskal Autonomia Erkidegoan betetze-maila antzekoa dela. Hala ere, horrelako komentarioak EAEko Segurtasuneko sailburuaren aldetik pentsaezinak dira. Ez lirateke bat etorriko komunikabide publikoen ohiko praktikarekin: informatzen dute legez kanpoko jai eta arau-hausteei buruz eta, segidan, agertzen dute infekzioek gora egin dutela edo maila altuan daudela.
Adituek faktore gehiago hartzen dituzte kontuan egoera azaltzeko –egoera larria, bereziki, aurreko asteetan–. Aldagai horien artean dago, adibidez, txertatze abiadura motela. Zer pentsatuko genuke aipatutako medioek infekzio tasa altuak erakutsi aurretik esango balute txertatze portzentajea inguruko erkidegoetan baino baxuagoa dela? Hori behin eta berriz errepikatuz gero, gizarteak beste leku batera ere begiratuko luke.
