Pandemia garaiotan hori datorkit burura, hainbatetan agintariek gainontzeko herritarrekiko daukaten jokamoldea ikusita. Adierazi ohi digute neurri gogorragoak hartu beharko dituztela momentuan daudenak betetzen ez baditugu. Otsoa dator ipuina gogoratu didate Nafarroako osasun kontseilariaren hitz harrigarriek: "Esta ola [laugarrena] va en serio". Ondorioz, herritar asko dinamika horretan sartzen gara; adibidez, itxiera perimetrala amaitu bezain pronto, kostara joanez.
Horrekin batera, agintariek beti dute zer leporatu beste herritarrei; azkena, aztarnariei datu guztiak ez ematea. Beraien inefizientziek –txertaketa motela edo aztarnari eskasia hasieran–, aldiz, justifikazioa daukate: "Egoera berria da"; "Mundu guztia antzera dabil".
Inoizko populaziorik formatuena eta patermaternalismoa nagusi! Esperantza gure umeengan jarri behar.
