Aldiro agertzen da komunikabideetan Europako edo munduko erreferente izango den instalazioa inauguratu dutela gure inguruan. Ohitura hartu diegu horrelakoei. Interneten begiratzea besterik ez dago ikusteko hainbat arlotan garela edo izango garela euskaldunak eredu nazioartean: zibersegurtasunean, itsasoko energia berriztagarrien ikerketa eta garapenean, kooperatibismoan, turismo enogastronomikoan, kooperazioan, ekonomia zirkularrean, lanbide heziketan, gobernantza publikoan… Hainbeste arlo dira, pentsa genezake orokorrean edozein diziplinatan gaudela goi mailan.
Halako batean, baina, pandemia etorri da eta, besteak beste, agerian utzi ditu gabezia batzuk; baita zintzotasunari dagokionez ere. Osasun sistema ez zen uste bezain primerakoa. Eta beste lurralde batzuetan gertatu ziren lotsagabekeriak –txertoa hartzeko txanda ez betetzea– hemen ere azaldu dira.
Bikaintasuna bilatzen duen herriarentzat gogorra da kaskarkeria. Autoestimuan eragina izan dezake erdipurdiko sentitzeak. Horregatik, ulertzekoa da aukerak ez galtzea onenak garela esateko… Santa Agedak lagundu gaitzala horretan ere.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
