Ulertzen dut jende asko dabilen guneak aldiro-aldiro desinfektatu behar direla, hasierako momentuan eta ondoren. Hala ere, Espainiako armadak leku batzuk behin bakarrik desinfektatu dituenean –laguntza baino gehiago, propaganda diruditen ekintzak–, hainbati entzun diedan bakarra izan da: "Laguntza guztiak ongietorriak dira".
Harritu nau ere hizkuntza-paisaiak. Komertzioetako kartel asko ikusi ditut gazteleraz soilik. Zenbait kasutan, ondokoa esateko: lehen, Cerrado eta orain, Abierto. Jabeari euskara zergatik erabili ez duen galdetuko banio, seguruenik hauek lirateke erantzunak: "Denborarik ez dugu izan euskaratzeko" edo "bizi dugun egoeran hori galdetzea ere, mesedez!".
Ez dakit, ba. Sentsazioak dira.
