Gakoa non?

Erabiltzailearen aurpegia

Behin baino gehiagotan entzun dut Arrasaten parte hartzea handia dela kooperatiba asko dagoelako. Eta behin baino gehiagotan entzun dut arrasatearrak herri mailan ez direla oso aktiboak kooperatiba asko dagoelako. Argumentu biek dituzte jarraitzaileak. Baina zein da zuzena? Indartu ala indargabetu egiten du?

Azterketa sakona egin beharko litzateke ondo jakiteko, herrietan adierazle sorta zabala jasoz. Nolanahi ere, erantzun bat izan dezakegu modu errazean, eskuragarri dagoen EAEko Elkarteen Erregistro Orokorra kontsultatuz. Bertan datoz herri bakoitzean erregistratuta dauden irabazteko asmorik gabeko elkarteak. Arrasaten 203 elkarte daude zerrendatuta eta populazioa 22.124 da: 109 pertsonako elkarte bat, beraz.

Andoainen eta Tolosan kooperatibista askoz gutxiago dago. Baina, hara, Andoaingo ratioa Arrasatekoaren ia berdina da, 110; Tolosan, aldiz, elkarte dezente gehiago dago, 85 pertsonako elkarte bat. Langile kooperatibista gehien dagoen herrian, Oñatin, berriz, are elkarte gehiago dago: 76 da ratioa.

Hau horrela, parte hartzearen gakoa ez ei da kooperatiba. Beste nonbait bilatu beharko da.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.