Zori kontua

Erabiltzailearen aurpegia

Esaera batek dio polizia ez dela inozoa. Baina Parisko sarraskiarekin lotutakoak ikusita, iruditzen zait bertako poliziarentzat gainontzeko herritarrak ergel samarrak garela. 

Ondoren datozenak telebista kateek eman dituzten azalpenak dira iturri ofizialak aipatuz. Bat: hilketen egileetako bat identifikatu zuten autoan nortasun agiria ahaztu zuelako. Bi: Kouachi anaiak inprenta barruan zeudela enplegatu bat ezkutatuta zegoen; pertsona honek, SMS bitartez, agenteei jakinarazi zizkien eraikinaren ezaugarriak eta une oro bikotearen posizioa. Hiru: supermerkatuan, Coulibalyk, telebista kate batekin hitz egin ostean telefonoa itzaltzea ahaztu zuen; hortik zekiten segurtasun indarrek barruko egoera zein zen. 

Ikerketari buruz azaleratu dituzten gakoak, beraz, kasualitateaz lotuta daude. Zein baino zein azalpen harrigarriagoa, gainera. Ez da eman bestelako argibiderik: punta-puntako teknologiaren edo prozedura berezien eginkizuna, adibidez. 

Batek daki kasualitate hauek gertatu ziren edo ez. Edonola ere, ez dugu harritzerik, garai bateko atxiloketa asko "control rutinario"-etan gertatzen baitziren…

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.