Izan ere, nire ustez, oso garrantzitsua da elkarbizitza positiboa eta betea izatea. Beraz, ez bakarrik ondo sentiarazi nauen herriko jende orori baizik eta, bailara osoan, eskola, lan, zein futbol giroan mugitu zareten guztiei. Zuen berotasunak, aurrera pausuak eta eboluzio soziala baino ez dizkit sorrarazi. Ez dut izen propio gehiago jartzerik nahi, nahikoa da adibidea jartzea. Uste dut, bakoitzak badakiela gure pentsamenduak bat datozen, ala ez datozen.
Hala ere, behin hasita, beharrezkoa daukat, mila aldiz baino gehiagotan eskerrak ematea aitaren aldetik daukadan familiari; guztia eskaini didatelako eta sekula ez dudalako ez gauza materialen, ezta berotasunaren faltarik izan. Amaitzeko, hurrengoa esanez agurtzea nahiko nuke; kalean topo egiten dugunean, jarrai dezagun irribarre batez elkar agurtzen.