2022ko api. 7a, 10:21
Bi urtez egoera berezi eta zailean egon ondoan, maiatzaren 8an itzuliko da Herri Urrats jaia Senpereko lakura. Eta Debagoieneko euskara elkarteok ere autobusa jartzeko ohitura berreskuratuko dugu, Senpereraino eroso eta merke joan zaitezten. Txartelak AED, Loramendi eta Jardun elkartean eskura ditzakezue. 10€tan elkarteotako bazkide izanez gero eta 12€tan, besteok. Maiatzaren 5a izango da txartelak erosteko azkeneko eguna.
Autobusaren ordutegi eta geltokiak hauexek izango dira:
- Aretxabaleta: 8:45ean, AZBEtik
- Arrasate: 9:00etan, Zalduspetik
- Bergara: 9:15ean, bus geltokitik
- Itzulera: 19:00etan, Senperetik
Astindu ditzagun nagikeriak eta itzuli gaitezen Senpereko lakura. Eta ez bazara inoiz egon, ez galdu ezagutzeko aukera. Itzuliko zara!
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.