Laburbira, film laburren zirkuituaren emanaldia

Bederatzi film labur dira aurtengo Laburbirako protagonistak, guztiak 2018tik 2020ra bitartean egindakoak, sortzaile gazteenak gehienak eta esperientzia luzeko zuzendarienak beste batzuk. Bederatzi lanetatik sei dira emakumeek zuzendutakoak. Denak uztartuta, ordu bete luzeko koktela osatu dugu; kalitatezkoa eta dibertigarria, euskarazko film laburren zaleei eta oro har zinema zaleei gozatu ederra emateko. Zatoz eta dastatu dosi txiki eta freskotan euskal zinema!