Goikobaluko soka-tira txapelketan izen-emateko garaia da

Erabiltzailearen aurpegia

Ate joka daukagu Goikobaluko Gaztelu Jaia eta, horrekin batera, Sokatira Txapelketaren bigarren edizioa. Pasa den urtean bederatzi talde aritu ziren lehian, zein baino zein gogorrago, baina lagunarteko giroan betiere. Ea marka hausteko gai garen aurten!! Jaia irailaren 23an izanik, sokatira txapelketarako izen-ematea zabaldu dugu ja. Horretarako, AED elkartera (aed@aedelkartea.eus) edo Jai-Zale eta Monte tabernetara jo, ostegunetik aurrera.

Txapelketa zortzi laguneko taldetan egingo dugu, baina ez da derrigorrezkoa parte hartzeko taldea osoturik izatea. Hau da, aukera dagoela banaka edo kide gutxiagoko lagun-taldetan izen ematea, gero beste batzuekin batera ekipoak osatzeko bidea egongo baita.

Txapelketa goizeko ekitaldien eta bazkariaren artean egingo dugu. Hau da, 13:45 aldera. Eta hiru sari banatuko ditugu, denera. Ereindajaneko hiru jaki-sorta eder, 150€, 100€ eta 50€nakoak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.