Herriko 12 erakunde, domekan irakurle

Erabiltzailearen aurpegia

Datorren domekan, azaroak 8, herriko hamabi erakunde edo proiktutako kideak ariko dira AEDk antolatutako Irakurraldi Kolektibo musikatuan. Saioa Jai Zale tabernan izango da, 19:00etatik aurrera.

Irakurraldia AEDren Literaturjauziak programaren bigarren saioa izango da. Hala, pasa den domekan Amelik eskainitako beldurrezko ipuinen ostean, arrasatearrak izango ditu protagonista azaroaren 8ko saioak. Hamabi lagunek parte hartuko dute denera, herriko beste horrenbeste erakunde edo proiektu ordezkatuz. Hain zuzen ere, Goiena, Txatxilipurdi, Gaztetxea, Kitzikan, Ekin Emakumeak, Udal Euskaltegia, AEK, EHE, Eusberdin gazte taldea, Ttak! gazte taldea, Zahar-Berri eta Auzoko.

Hurrengo saioa azaroaren 15ean izango da, arratsaldeko 7etan eta Jai Zale tabernan hori ere, Mikel Antzaren "Ametsak ere zain" liburuko poemak errezitatuko dituztelarik Josu Landak, Gotzon Barandiaranek eta Itziar Castrillok.  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.