Izan ere edonork-izan norbanako, izan entitate, izan hemengo, izan nonahiko- egin dezake eskaera eta nahikoa da hiru pausu erraz eta azkar jarraitzea horretarako: www.domeinuak.eus webgunean sartu, webguneari jarri nahi diogun domeinua eskuragarri dagoen begiratu eta, horrela bada, bertan ageri den erregistradoreen zerrendatik bat aukeratu, haren bitartez erosketa-prozesua gauzatzeko.
Diru aldetik ez zaizu garesti irtengo (30 eta 100 € bitartean kontratatu nahi dituzun zerbitzuen arabera) eta asko daukazu irabazteko nortasunean eta erreferentzialtasun mailan. Zergatik? Ba... EUS laburdurak euskararen eta euskal kulturaren komunitateko kide sentiarazten gaituelako; kohesiorako gune delako; muga geografikorik gabeko sarean gu geu izateko aukera eta tokia onartzen dizkigulako; nazioartean ikusgarri egiten gaituelako; euskara beste hizkuntzen pare jartzen duelako... Bada dEUS, ezta?