Zu ere gai-jartzaile Santamasetan

Erabiltzailearen aurpegia
AED elkarteak aukera zabaltzen dizue bertsozaleei abenduaren 22ko Santamasetako Bertso jaialdian parte hartuko duten bertsolarientzat gaiak proposatzeko. Gai-jartzaile lana Manex Agirre bertsolari aramaioarrak gauzatuko du oholtza gainean, baina saioa egituratzeko orduan aintzat hartuko ditu herritarrek bidalitako proposamenak. Gaiak proposatzeko epea abenduaren 18an bukatuko da eta jarraian zehaztutako bideetatik parte har dezakezue:

1. Mail bitartez AED elkarterea bidalita: aed@aedelkartea.com

2. ÄED elkartearen egoitzako postontzian utzita

3. Irati tabernan jarritako kutxan utzita

Esandakoez gainera, pare bat ohar:

1. Baztertuak izango dira iraingarriak izan daitezkeen edota pertsonen intimitateari eta errespetuari eraso egin diezaieketen proposamenak.

2. Jaialdiko gai-jartzailearen esku geratuko da proposatutako gaiak nola formulatu, saioaren edukia eta egitura ahalik eta egokien prestatu ahal izateko.

Jakin, bestalde, jaialdirako sarrerak salgai daudela honako tokietan: AEDren egoitzan eta Irati, Kajoi eta Monte tabernetan. Santamas egunean bertan ere eskuratu ahal izango dituzue, aipatu lekuetan goizean zehar nahiz Amaia Antzokian 19:30etik aurrera. Prezioa 10 € da ( 8€ AEDko bazkideentzat eta Goiena klubeko partaideentzat)

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.